"Аҳмад Дониш - Бухоронинг сўнгги қомусий олими"
12 сентября 2019 г.
Яқин кунларда Арк вилоят ўлкашунослик музейида ўтказилиши режалаштирилаётган "Аҳмад Дониш - Бухоронинг сўнгги энциклопедист олими" номли янги кўргазма очилишига тайёргарлик ишлари олиб борилмоқда. Кўргазмада олимнинг Бухорода мавжуд асарлари намойишга қўйилиши режалаштирилган. Ноёб асарлардан илк маротаба намойиш этилаётган ажойиб тарихга эга, муаллиф ўз қўли билан ёзган “Мухтасаре аз таърихи салтанати хонадони манғития”(1878 й.) ва “Наводирул вақое” асарининг қоралама ва асл нусхаси (яъни дастлабки китоби 1880 й.)ни кўришингиз мумкин.
